मराठी कविता संग्रह

पुन्हा सोमवार ! आला देवा

15:34 Sujit Balwadkar 2 Comments Category :



जगावे म्हणता ! जरा बैजवार
पुन्हा सोमवार ! आला देवा

बॉक्सात ईमेली ! ईमेलीत बॉस
ईझी वेटलॉस ! बैठ्याजागी

आता रातंदिस ! पीपीटी चा खेळ
डोळ्यामाजी तेल ! घाला लेको

पावलोपावली ! मेंदूला ये फीट
एक्सेलची शीट ! उतू जाता

कधी एजीएम ! कधी कॉन्फरन्स
किती टॉलरन्स ! दाखवावा

आता ६ दिस ! गोठला बा काळ
१४४ ! लागू झाले

एक रविवार ! काढिला लोळून
त्याचे किती ऋण ! फेडायाचे

- वैभव जोशी


Image courtesy: BG Limaye


अपडेट्स मिळवण्यासाठी ह्या URL वर टिचकी मारा किंवा हा URL वरील URL bar मध्ये paste करा - http://feedburner.google.com/fb/a/mailverify?uri=wordpress/fQXr

RELATED POSTS

2 अभिप्राय