काहीतरी तुटतंय
काहीतरी तुटतंय आतून तरीही का अव्यक्त मी
भरलाय बाजार भावनांचा समोरी तरीही का रितीच मी
वेदना ही सुखावते का सांग आता तू तरी
भिजलेल्या नेत्रात तुझ्या शोधते का मलाच मी ,
अबोल होते नाते आपुले स्वप्नामध्येच विणलेले
डोळ्यांतूनी का सांडले तू जे मलाही भावलेले
बंद या ओठांत का रे अडकले ते शब्द सारे
बंधनात त्या मर्यादेच्या मार्ग आता बदललेले ,
विसर आता तू ही सारे गुपित हृदयातच गाडलेले
आठवणींचे मोरपीस ते मनी राहू दे मोहरलेले
स्वप्नांमध्येच जगेन मी ही सात जन्म ते कल्पनेतले
आसवांच्या कुपीतच दडू दे दिवस आपुले मंतरलेले .
- अंजली राणे वाडे : १४ / ३ / १३. वसई .
1 अभिप्राय
Like-काहीतरी तुटतंय आतून तरीही का अव्यक्त
ReplyDelete