मनाशीच जो जो करावा विचार
वारावर वार चालतात

आपलीच इजा घ्यावी दुखवून
जखम उतून चरताना

आपलेच कसे काळीज दुखते
सुगीही सुकते हंगामात

खोल समुद्रात उंच माळावर
जीव सुळावर चढलेला

का ही तडफड माझ्याच अंतरी
दूर दिगंतरी निनादत

घडले तसेच आताही घडते
त्याचे का कढ ते उसळती

कितीही वाटले कापावीच नाळ
तेवढ्यात बाळ हुंकारते

चाललो सोसत जन्माच्या वेदना
काय आता कुणा निरूपावे


.box {
box-shadow: 5px 5px 2px black;
-moz-box-shadow: 5px 5px 2px gray;
-webkit-box-shadow: 5px 5px 2px black;
position: relative;
-webkit-transition: top 300ms linear;
}
.box:hover {
top: 20px;
}