एवढ मात्र खर
Share on Facebook
हिच्या मिठीत तुझी ऊब शोधण नाही बरं ,
मी तुला विसरत चाललोय एवढं मात्र खरं
हिचा हात घट्ट हातात ठेवला जरा धरून,
तुझ्या माझ्या सारया जागा पाहिल्या पुन्हा फिरून ,
विसर विसर विसरताना पाहिलं तुला स्मरून
तू होतीस ,नव्हतीस, पण हिचं हसणं होतं ,
सोबत माझ्या हिचं असणं तुझं नसणं होत ,
खर सांगू ? हिच्या डोळ्यात माझंच फसणं होतं ,
हिच्याच सोबत बांधीन म्हणतो मनामधली घरं ,
मी तुला विसरत चाललोय एवढं मात्र खरं .
असे तसे कसेतरी जगतात काहीजण
तसं हिला जरा जरा कळत माझं मन ,
संध्याकाळी गप्प होतो हे हि हिला कळलं ,
तुझी बाजू घेऊन हिने खूप मला छळल
खरच मला ठाऊक नाही हिचं जुनं काही ,
कुणास ठाऊक का मी विचारला हि नाही
आई म्हणते सोडून द्याव सगळ भलं बुरं ,
मी तुला विसरत चाललोय एवढ मात्र खर
तुझ्यासारखा आता मी कारण नसता हसतो
कुणास ठाऊक तेव्हा मी हिला कसा दिसतो ,
तुझी आठवण येते आहे हिला आधी कळत ,
माझ्या आधी डोळ्यांमधून हिच्या पाणी गळत ,
ओंठ ठेवते गालांवर समजून घेते खूप,
भळभळनार्या जखमेवरच हे असं साजूक तूप ,
जगण्यासाठी आता मला एवढाच सुख पुरं ,
मी तुला विसरत चाललोय एवढ मात्र खर........
- सौमित्र
आभार - Kishore Kadam (सौमित्र)
This image is about stuff 1
div.disappear p{
display:none;
}
div.disappear:hover p{
display:block;
}
div.disappear:hover img{
display:none;
}
2 अभिप्राय
kitti sundar kavita lihili aahe tumhi...........
ReplyDeleteचल रे बंड्या माळाला
ReplyDeleteघेऊन सगळ्या जनवाराला
बांध भाकर काठीला , चल रे बंड्या माळाला .
मग जावू चिखलातून
काटा घुसला चाप्प्लातून
पाणी आले डोळ्यातून
सुट्टी आहे आज शाळेला
चल रे बंड्या माळाला .
जाऊ मग लेहरावर
खाऊ मिरची भाकर
आली मोठी ढेकर
झोप लागली गवतावर .
मग पोहू विहिरीत
सगळ्या माश्याला लाजवीत
मुटका - सुळूंग मारून
अंगाड गेले वाकुन .
गाय गेली धानाला
जा वळती करायला
लाव स्टंप मातीत
बॉल गेला केकताडित .
दिवस लागला मावळायला
न्हे जनवारे पान्याला
जनवारे घालू पोहणीला
लई आलंय पाणी तळ्याला .
दिवस गेला मावळून
लई उशीर झाला खेळून
जाऊ घरी धार काढून
भूक लागली भाकर बघून .
रात्री माघारी यायचंय रानात
पार्टी आहे माझ्या मनात
लय मज्या येते खळ्याच्या पार्टीत
नाही येत कुठल्या हाटेलात .
- विष्णू लाकाळ (9405090003)