नात्यांमधले बंध अनामिक
Share on Facebook
नात्यांमधले बंध अनामिक
मला उमजले असे अचानक
तटस्थ जरी तू या वळणावर
परतुनी येशील नकळत अवचित,
अभिसारीका तुझ्या मनीची
व्हावे मीच ही आस जीवाची
दूर उभा तू सागर तीरी
तरंग उठता का वळून पाहशी,
तुला ही कळले बंध मनाचे
नाते आपुले युगायुगाचे
अबोल तू ही अबोल मी ही
तरीही घडले लोभस काही,
अशीच असते का रे प्रिती
अमूर्त, निरामय तरी युगांती
तुला उमजले मला ही कळले
शब्दाविण हे बंध अनामिक
अशीच राहो प्रित चिरंतन
भूलोकी या अनंत अविरत.
अंजली राणे वाडे : २०/०५/१3.
वसई .
1 अभिप्राय
mast mast mast ...
ReplyDelete