कसं सांगू वेडाबाई
तावातावाने भांडण आवडत मला..तुझ्यासोबत.
त्या दिवशी पण तेच झालं..
तुझ्यासारख्या " नास्तिक " माणसाला
" देवाचा गाव " दाखवायला निघाले होते.
आणी " तू "?
तुझ्या वाळवंटातून बाहेर यायला तयार नव्हतास.
" तुझा देव दाखव आधी..."
" दाखवायचा काय..आहेच तो..इथेच आहे..तुझ्यात...माझ्यात सगळीकडेच.."
" काय सांगतेस..तुझ्यातही आहे..?"
" हो..आहेच मुळी.."
"नक्की?"
"होय."
" मग तू ही तुझ्या देवासारखीच...सगळीकडेच असणार...?"
" हं..? हो..हो..आहेच.."
" बघ हं "
" हो म्हणाले ना.."
" नाही ग...एका ठिकाणी नाहीस तू..."
" ? "
" कसं सांगू वेडाबाई..माझ्या नशिबात नाहीस ग...!"
- ममता सिंधुताई
0 अभिप्राय