मराठी कविता संग्रह

आकाशी झेप घे रे, पाखरा

01:22 Sujit Balwadkar 0 Comments Category : ,

आकाशी झेप घे रे, पाखरा
सोडी सोन्याचा पिंजरा

तुजभवती वैभव, माया
फळ रसाळ मिळते खाया
सुखलोलुप झाली काया
हा कुठवर वेड्या, घेसी आसरा

घर कसले ही तर कारा
विषसमान मोती चारा
मोहाचे बंधन द्वारा
तुज आडवितो हा कैसा, उंबरा


[slider title="अधिक माहिती"]

अधिक माहिती

गायक/गायिका: आशा भोसले


गीत - जगदीश खेबूडकर


संगीत - सुधीर फडके


स्वर - सुधीर फडके


चित्रपट - आराम हराम आहे


वर्ष: १९७६


राग - यमन, तिलककामोद, देस (नादवेध)


[/slider]

तुज पंख दिले देवाने
कर विहार सामर्थ्याने
दरि, डोंगर, हिरवी राने
जा ओलांडुन या सरिता, सागरा

कष्टाविण फळ ना मिळते
तुज कळते, परि, ना वळते
हृदयात व्यथा ही जळते
का जीव बिचारा होई बावरा

घामातुन मोती फुलले
श्रमदेव घरी अवतरले
घर प्रसन्नतेने नटले
हा योग जीवनी आला, साजिरा

- जगदीश खेबूडकर

RELATED POSTS

0 अभिप्राय