मराठी कविता संग्रह

MAGIC LIGHT

10:12 Sujit Balwadkar 0 Comments Category :

Photo - Soumitra Inamdar


समुद्रासमुद्राकडे पाठ करून तुम्ही सगळेच
बुडत चाललेल्या सूर्याकडे पाहणार्‍या मला पहाल तेंव्हा
संध्याकाळचं
नेमकं काय काय बुडत जातं पाण्यातयाची अंधुकशी कल्पना येईल तुम्हालाजसजसा काळोख पाण्याहून खोल होत जातोकाळंशार करत पाणीतळभर उतरू लागतो 


तसतसे
पाण्याखालचे मासे
स्वयंप्रकाशित होऊन
रंगीबेरंगी चमचमता
उत्सव सुरू करतात समुद्रतळाशी
तोवर
किनार्यावर उभा असलेला मी
उतरून आलेला असतो खोल
बर्‍याच पायर्‍या स्वतःच्या
अचानक कधीतरी पायर्‍या संपतात
आणि मी न घाबरता बिनदिक्कत
माझं पुढलं पाऊल ठेऊन देतो अज्ञातात
एकेक माणिक मोती दिसू लागतात
येऊ लागते मजा
पायर्‍याशिवाय उतरत जाण्याची
हळूहळू जाणीव होऊ लागते
आपल्या श्रीमंतीची
मग मी पुन्हा एकदा आख्खी रात्र
खर्च करायला सज्ज होतो
आणि माझ्या चेहर्‍यावर
कुठलातरी एक
MAGIC LIGHT दिसू लागतो.....


- सौमित्र

RELATED POSTS

0 अभिप्राय