---

क्षणात होते जांभ गुलाली
क्षणात सांज का लाल दिसे
क्षणात दाटे अबीर भोवती
क्षणात चांदणपूर असे

क्षणात वाजे मनात वेणू
क्षणात उदासी शांत तडे
क्षणात रुमानी पाऊसवेळा
क्षणात भगवा ऊर रडे

क्षणात पश्चिम हळवी होते
निघता निघता पाय अडे
क्षणात भरल्या उरात घेतो
मावळतीचे सोनसडे

क्षणात दिसते गाव ‘उद्याचे’
क्षणात ‘कालचे’ दूर थवे
क्षणात नाही शक्य सांगणे
काय नको अन काय हवे...!

.box {
box-shadow: 5px 5px 2px black;
-moz-box-shadow: 5px 5px 2px gray;
-webkit-box-shadow: 5px 5px 2px black;
position: relative;
-webkit-transition: top 300ms linear;
}
.box:hover {
top: 20px;
}