मराठी कविता संग्रह

दंश

02:45 Sujit Balwadkar 0 Comments Category : ,

येणारा दिवस मला हेटाळत हसणारच
जाणारा दिवस मला जाताना डसणारच

वरवरच्या बोलण्यात गेली बघ रात्र सरून
मावळता चंद्र तुझे नाव मला पुसणारच

देताना हृदय तुला केला मी हा विचार-
'घेणारा घेणारच! देणारा फसणारच! '

हारूनही लाखवार माझी झाली न हार
मी माझ्या स्वप्नांना फिरफिरून पिसणारच!

माझे घर वार्‍याचे अन् पायच पार्‍याचे
मी जगास रस्त्यावर गाताना दिसणारच!

काही भलतेच लोक तेव्हा करतील शोक
तेव्हाही मी त्यांच्या आसवांत नसणारच!

- सुरेश भट

RELATED POSTS

0 अभिप्राय